25 març 2018

Lo Molin deu Faur

Situat a Sent-Pèr-de-Lèren enter Sauvatèrra e Pèirahorada, lo molin deu Faur que hè haria despuish lo sègle dotzau.

Despuish 1105

Aqueth obratge qu’estó bastit en 1105 per monges de l’abadia Sent-Jan de Sòrda.

Despuish 1895, la familha Dufau que n’ei proprietària. La fabricacion de haria, longa tradicion familiau, qu’a seguit entiò d’ara transmetuda de pair en hilh.

Entiò las annadas 1970, las molas de pèira mudadas per l’aiga deu gave d’Auloron qu’asseguran la produccion. Lavetz lo moulin qu’ei modernizat entà poder produsir harias tostemps mei blancas, hòrt de mòda ad aqueth moment. Lo molin que’s produseish l’electricitat e que’s conserva atau l’autonomia.

A la debuta de las annadas 1980, la paishèra que peta, l’aiga n’entra pas mei preu canau. La produccion que deu seguir e lo molin que’s religa a l’electricitat deu hialat. Las accions que son tostemps en cors tà poder tornar au molin la soa autonomia energetica.

Lo Biò

A la debuta de las annadas 2000, Jean-Paul Dufau que passa la produccion en biò. Despuish, lo molin que produseish sonque harias gessidas de l’agricultura biologica.

Atau, que molem sii sus cilindre entà obtiéner ua haria fina e blanca, qui agrada solide aus pastissèrs e pastissèras ; sii a la mola, tà auherir aus panissèrs e panissèras ua haria mei rica, dab caractèr.

Uei, lo molin qu’ei tostemps de la familha Dufau. Jean-Paul Dufau que se’n va a la retirada après aver creat e mantienut un hialat de productors e panissèrs biò locaus. Romain Rouvreau (jo) que pren la seguida. Véder la presentacion deu Romain