26 març 2018

Harias de hroment

La haria de hroment, aperada mei sovent haria de blat, qu’ei mei espandida per las panisserias, en cosina, e deu còp per las recèptas. Lo blat qu’ei molut e desbrenat de faiçon mei o mensh fina, tà balhar harias de tipe intregaus o blancas, en passar per harias completas e miei-completas.

La haria de tipe 55

Qu’ei la haria mei blanca de la nosta produccion, qu’ei tanben la qui trobatz preus supermercats a l’acostumat. Qu’ei adaptada a la pastissseria pr’amor d’estar fina. Que’vs permeterà de har totas las preparacions de las delicatas. Que ns’estimam mei la T65 juste similara, mes dab un chic mei de sabor e de color.

La haria de tipe 65 o Crèma

Un produit de tria entaus qui descobreishen las nostas harias, acostumats a las harias de supermercat. Tot qu’ei de bon har, dab la haria aquesta.

La haria de tipe 80 o Bisa o Miei-completa

Qu’ei la haria mei estimada deus nostes clients panissèrs. Que permet un tribalh de la pasta mei simple que non pas dab harias mei completas. Aquesta que’vs balhara un cèrta caractèr au pan, pastas de pizzà o cocons.

La haria de tipe 110 ou Completa

Que podetz crear pans e pastas completas dab. Mei rica, mei nutritiva que non pas las harias blancas, qu’a mei caractèr.

La haria de tipe 150 ou Integrau

Tot lo gran de blat qu’ei utilizat tà la haria integrau. Que’s hè conéisher aisidament pr’amor deu bren. Que la poderatz utilizar entà har lo vòste borider, o tà las preparacions en las quaus e grasitz deu cracant deu bren.